పిచ్చి ప్రేమ..

నీకు తెలుసా రాత్రి కౌగిలిలో
ప్రపంచం నిద్రిస్తోంటే
హఠాత్తుగా గుర్తుకువస్తావు!
మెలుకువ వస్తుంది!
నా పిచ్చిగాని నిన్ను విడిచి
ఈ మనసెప్పుడు నిద్ర పోయిందని
నీ జ్ఞాపకం వెండి వెన్నెల గుండెల్లో వర్షిస్తే
నా ప్రమేయం లేకుండానే విరుస్తుందో నవ్వు!!
ఓ భావం ఎదలో మెదిలి పైకి చెప్పనూలేక
లోలోన ఇమడనూలేక
సతమతమౌతున్న అంతర్మథనం !
అనుక్షణం ఓడిపొతూనే ఉన్నా చిత్రంగా!
నాకెప్పటికీ అసలెప్పటికీ అర్థం కాదేమో
నువ్వంటే నా కెందుకో ఇంత పిచ్చి ప్రేమ!!