నా ఇష్టాలు!!

తొలి పొద్దు సూర్య కాంతిలో పక్షుల కువకువ రాగాలు వింటూ కాఫీ తాగడమంటే.. ఇష్టం

ఇలయరాజా పాటల్లో హిరోఇన్లా ఊహించుకుని మైమరిచిపోవడమంటే..ఇష్టం

ఉన్న మొహనికి రంగులు పులుముకుని నన్ను నేనే డ్రీం గర్ల్ లా అద్దంలో చూసుకోవడమంటే..ఇష్టం

టివి లో రోజూ వచ్చే సిరియల్ని తిట్టుకుంటూనే మళ్ళీ రేపు ఏమవుతుందో అని ఊహించుకోవడమంటే..ఇష్టం

చేసిన వర్క్ చిన్నదైనా నేనే తోపు అని అందరి ముందు చూపించుకోవడమంటే.. ఇష్టం

ఏ కారణాలు లేకపోయిన ఫ్రెండ్స్ కి కాల్స్ చేసి అది ఇది అని చిట్ చాట్ చేయడమంటే.. ఇష్టం

చూసిన సినిమానే మళ్ళి మళ్ళి చూసి అదే సీనులకి ఏడ్చి నవ్వి హాయిగా టైంపాసు చేయడమంటే..ఇష్టం

ఎవరైనా పలకరిస్తే చాలు వాళ్ళని మాటలతో కట్టిపడేయడమంటే..ఇష్టం

పండు వెన్నెల్లో కొబ్బరాకుల చాటున దోబూచులాడుతున్న చందమామతో కబుర్లాడటమంటే..ఇష్టం

చలి గాలి ముంగురులను తడుముతుంటే చిలిపి ఊహల కలలు కనటమంటే..ఇష్టం

ఇలా నాకు నచ్చిన ఇష్టాలన్ని చెపుతూ మీ టైముని వేస్టు చేయడమంటే ఇంకా ఇంకా చాలా ఇష్టం ;)

జీవితం..

మనిషికి ఎంత గుర్తింపు లభిస్తుందో
అది మనకి దక్కే అంత వరకు తెలీదు !!

ఒక్క నవ్వు ఎంత మంది జీవితాలని సంతోషపెడుతుందో
అది మనం అనుభవించే అంత వరకు తెలీదు !!

ఒక్క చేయి ఎంత సహాయం చేస్తుందో
మనం పట్టుకుని నడిచే అంత వరకు తెలీదు !!

ఒక్క మనిషి పక్కన ఉంటే ఉన్న దైర్యం
వాళ్ళు మన పక్కన లేనంత వరకు తెలీదు !!

ఇ మిస్ యు !!!

నీ..

ఈ దూరం దేనికోసం..

ఈ మౌనం ఎందుకోసం..

నా ఎద నన్ను అడుగుతోంది..

నీ చిరు నవ్వు వెతుకుతోంది !

Love these lines...

Daydream delusion, limousine eyelash / Oh baby with your pretty face / Drop a tear in my wineglass / Look at those big eyes / See what you mean to me / Sweet-cakes and milkshakes / I'm a delusion angel / I'm a fantasy parade / I want you to know what I think / Don't want you to guess anymore / You have no idea where I came from / We have no idea where we're going / Lodged in life / Like branches in a river/ Flowing? downstream / Caught in the current / I carry you / You'll carry me...

నిర్వేదన..

జ్ఞాపకాల దొంతరలో
అడుగిడిన ఒక మడతని విప్పితే
ఆశ్చర్యమో అహ్లాదమో
నిన్ను ప్రేమించిన నా మనసు
ఎగతాలిగా నవ్వినట్టు అనిపించింది
మరల తడిమి చూస్తే
భాదతో నలిగినట్టు కనిపించింది
ఎక్కడో దాగి ఉన్న దుఖ్ఖం
కళ్ళల్లో పెళ్ళుబికింది
నాకు నేనుగా వేసుకున్న బందాలు
మనసుకి సంకెళ్ళులా అనిపించాయి
మరల మడత పెడుతుంటే
కను చివర కన్నీటి ముత్యం
మెరిసినట్టే మెరిసి
చీకటిలో కలిసిపోయింది !

విచిత్రం

నేటి ప్రపంచం

చూపించమంటూంది సామర్ధ్యం

అడుగు ముందుకు వేస్తే ఆటంకం

వెనక్కి తీసుకోలేని అంతర్మదనం

ఎంతో దూరం లేదు అనుకున్న గమ్యం

సమయం రాగానే అంతా శూన్యం

ఎటు వెల్లాలో తెలియని గత్యంత్రం

మనసుకి అంతుపట్టని ఈ విపరీతం

ముందు కనిపించిన రంగుల చిత్రం

నేడు రంగులు మాయమై కనిపించేను తెల్ల కాగితం

ఎమిటో ఈ విచిత్రం !!

ఊహ

ఏదో ఊహ పేపర్ లో పెట్టే అంత వరకు ఆగనంది

తీరా పెన్ చేత పట్టేక ముందుకు సాగనంది

భాష వెతికి అక్షరాల్లో ఉంచుతుంటే చేయి వణికింది

కొంచెం ఆగి తిరిగి వ్రాస్తుంటే ఆశ పుట్టింది

ఆ ఆశ నిజమైతే ఎంతో బావుందనిపించింది

ఇలా ప్రతి ఊహ ఆశతో జతకమ్మంటే జీవితం నవ్వింది

కాని మనిషన్నాక ఆశ పడటంలో తప్పు లేదనిపించింది

అందుకే ఆశ నిజమవ్వడానికి ప్రయత్నం మొదలైయింది

ప్రయత్నం చేసి ఎదురు చూసి, చేరినట్టే అనిపించింది

కాని చివరకి అపజయం దక్కింది

అంతటితో ఆగేనా.. ఊహలు ఊహించటం మానేనా

ఆశ పడటం ఆపేనా.. అందుకే అంటారేమో

ఆశ పడు కాని ఆశించద్దు

ఊహించు కాని నిజమవ్వని శాశించద్దు

ఉన్నదాంట్లో త్రుప్తి పడు

లేనిది నాది కాదని సరిపడు

అప్పుడు అవుతుంది నీ జీవితం ఆనందమయం

లేదా అందులోనే దాగి ఉంది నీ పతనం !

నా..

తొలిపొద్దు వేకువ జామున..

సూర్యుడి వెండి కాంతులు..

నా మేనిని తాకుతూ..చెప్పేను శుభోదయం

పక్షుల కిల కిల రావాలు..

నా చెవి మీటుతూ..పలకరించే ఈ ఉదయం

బుడి బుడి బుజ్జాయి అడుగుల సవ్వడి..

ప్రతి రోజు..చెప్పేను నాకు నవోదయం !!

సాగే ప్రతి రోజున..

కారులో వినిపించే సంగీతం..

చల్లగా తాకే పిల్ల గాలి..

కనిపిస్తే నవ్వుతూ పలకరించే జనాలు..

కాఫీ ఘుమ ఘుమలు..

మనతో పని చేసే వారి విమర్శలు..

తెలిసిన వాళ్ళతో పేచీలు..

తెలియని వాళ్ళతో పరిచయాలు..

ఇలా ఒక్కో అనుభవం ఒక్కో అలలా..

మనసు తీరాన్ని తాకుతూ వెళుతుంటే..

పరిగెత్తే ఆ గడియారం ముల్లులా..

రోజు గడిచిపోతుంది !!

ఏదో వండాల వద్దా అనే వంటతో..

బుజ్జాయి చిన్న చిన్న ఆటలతో..

ఎప్పుడు వస్తూందా అని వేచి చూసే ఆ సాయంత్రం..

వెలిగే ఆ కొవ్వొత్తులా కరిగిపోతూంది !!

మెల్లిగా నడుం జార్చుతూ..

ఆ వెన్నెల సోయగాలని ఆశ్వాదించాలని

ప్రతి రోజు ఆ కిటికీ లోంచి తొంగి చూస్తే..

వెన్నెల కాంతిని కప్పివేసే ప్రపంచ వెలుగు

విమానాలే నక్షత్రాలు..

పొగ వాహనాలే కీచురాళ్ళ శబ్దాలు..

వీటినే నాకు నచ్చిన .. నా మది మెచ్చిన..

ఊహలతో కలల లోకం లోకి జారుకుంటాను !!

ఇలా జీవితంలో ఉన్న నవరశభరితాలన్నీ..

ప్రతి రోజు బ్రతుకు పుస్తకంలో ఒక్కో పేజీలా జతపరుస్తూ..

తీరిక సమయాన ఆ పేజీలే జ్ఞాపకాలుగా..

మరల తిరిగి చదవడానికి ఇండెక్సు జోడిస్తూ..

ఇలా ఇలా సాగుతూంది నా జీవితం..

లేదు అనే నిన్నతో కాదు..

ఉన్నా కూడా లేని నేడుతో కాదు..

ఉంది అనే రేపుతో...!!

జీవితం..

కమ్ముకున్న మబ్బులు
కురుస్తున్న వర్షం

వర్షం హంగులు
ఇంద్రధనస్సులు

సుర్యుడి పలకరింపులు
కాంతి కిరణాలు

కొత్తగా అగుపించేవి
వెన్నెల సోయగాలు

చిరుమందహాసాలు
పరిచయాలు

చెమర్చిన కళ్ళు
విడిపోవడాలు

నడిచే నేల
వెంట వస్తున్న నీడ

మనసు లోతు
సుడిగుండాలు

నిన్న.. నేడు.. రేపు
జీవితం !!

నాదో చిన్న ప్రపంచం ..

ఎప్పుడు ఊహలలో తేలుతూ .. పూవుల సువాసనలో ఊగులాడుతూ .. చెట్ల కొమ్మలతో ఊయలలు ఊగుతూ .. అందని ఆ చందమామని ఎప్పటికైన అందుకోవాలని .. అదిపరిచే వెన్నెల హాయిలో నన్ను నేను మరిచిపొవాలని .. నిమిష నిమిషానికి ఉద్భవించే కోరికల ప్రవాహాన్ని గుండెలలో మోస్తూ .. నాలో ఉన్న అలోచనలకి రోజుకో రంగు అద్దుతూ .. అది చూపే రంగుల గారడీలో మైమరుస్తూ.. గమ్యమెరుగని బాటసారిలా పయనిస్తున్నాను.

నాలో చెలరేగే ఈ ప్రతిఘటనే - నా స్పందన !!

నాలో నేను..

ఉప్పెనలా వచ్చే అలోచనల ప్రవాహంలో
అగుపించిన తీరం నీ మందహాసం
దానికే ఆనకట్టు నా మనోభావం !

నా ఘోష !!

ఎప్పుడు ఊహలలో తేలుతూ .. పూవుల సువాసనలో ఊగులాడుతూ .. చెట్ల కొమ్మలతో ఊయలలు ఊగుతూ .. అందని ఆ చందమామని ఎప్పటికైన అందుకోవాలని .. అదిపరిచే వెన్నెల హాయిలో నన్ను నేను మరిచిపొవాలని .. నిమిష నిమిషానికి ఉద్భవించే కోరికల ప్రవాహాన్ని గుండెలలో మోస్తూ .. నాలో ఉన్న అలోచనలకి రోజుకో రంగు అద్దుతూ .. అది చూపే రంగుల గారడీలో మైమరుస్తూ.. గమ్యమెరుగని బాటసారిలా పయనిస్తున్నాను.

నాలో చెలరేగే ఈ ప్రతిఘటనే - నా ఘోష !!

ప్రియా..

అవిశ్రాంత నిరాశ
నిస్పృహల మధ్య
నాకు ఆనందతీరాలకు
హేతువైన నిన్ను
మరిచేది ఎలా ప్రియా !

చిత్రం..

మెత్తగా హృదిని తట్టి..మెల్లగా వెల్తున్న ఆ చల్ల గాలికి.. మనసే స్పందించి ఒక చక్కని చిత్రం చిత్రించింది.. అందులో రంగులు నింపాలని వెతుకుతుంటే.. ఇంద్రదనస్సులాంటి నీ నవ్వుల కాంతులు కనిపించేయి.. మైమరిచి ఆ చిత్రం పూర్తి చేస్తే.. ఆశ్చర్యమెమో తెలీదు కాని కాలమే ఒక క్షణం ఆగి తిరిగి చూసి ఒక కొంటె నవ్వు నవ్వి మళ్ళి మరలి సాగిపోయింది.. ఆ చిత్రం ఎవరిదో కాదు.. నీదే !!

రేయి..

అందమైన వెన్నెల..చల్లని సాయంత్రం వేల..పచ్చని గడ్డి ఊయలూగుతున్న సమయాన..మల్లెల సుగందాల పరిమళాల మద్య..వెండి వెన్నెల కాంతుల్లో..మనసు పరవళ్ళలోన..ఆ చందమామ సాక్షిగా..నీ రాకకై వీక్షిస్తూన్న నా కనులని చూసి వెన్నెల సహితం అబ్బురపడి..ని చెంతకు చేరి చెప్పిన నా వలపు సంకేతాలని విని..నీవు రాగా నీ అడుగుల సవ్వడికే నా హృదయ సవ్వడి జోడై నా ఊపిరి కుడా బారమైన ఆ నిమిషంలో..ఒకే ఒక్క క్షణం నా మనసుకి అనిపించింది ..
ఈ రేయి ఇలాగే ఉండిపొనీ .......

నేను..

నేనేమిటో ఈ లోకానికి
తెలియజేయాలని బయలుదేరేను
కాని
తనేమిటో తెలుసుకోమని ఈ లోకమే
ఓ మహాగ్రందంలా తెరిచుకుంది
అందులో
నిర్లిఖితమైన
ఓ ఖాళి పుటను నేను !

పరిచయం..

ప్రతి క్షణం ఎదురుచూపు
ఎందుకో ఈ ఉలుకుపాటు
వస్తూందో రాదో తెలియని ఆ పలకరింపు
వస్తే ఇస్తూంది మైమరపు
రాకుంటే ఉండదు కంటికి కునుకు
వద్దనుకున్నా అవుతాయి ఈ తెలియని పరిచయాలు
ఎడారి వంటి మనసుకి అవుతాయి ఒయాసిస్సు
వీడి వెళ్ళిననాడు మాత్రం ఇస్తాయి భారమైన కన్నీలు !

అభిసారిక..

ప్రతి రోజు కళ్ళళ్ళో మరో శుభోదయ కాంతులు చుస్తూ
నిన్నగా మారుతున్న జ్ణాపకాలను గుండెల్లో దాస్తూ
భాధలని సంతోషాన్ని ముడివేసిన కన్నీలతో కళ్ళని కడుగుతూ
సాగుతుంది నా పయనం నేడులో.. రూపంటూ లేని రేపు వైపుకి
గమ్యమెరుగని కాలంలో నా జీవిత యానం సాగుతుందిలా
నేటి ఆనందాలను తాకట్టు పెట్టి మాత్రం కాదు
ప్రతి క్షణం అనుభవిస్తూ.. ఆశ్వాదిస్తూ.. మీలాంటి నేస్తాలతో పంచుకుంటూ...

చూపులు..

నీ చూపుల చురకత్తులు
ఈ హృదయాన్నిచీలిస్తే
గాయం కాలేదు సరి కదా
గేయం స్రవించింది !

కోరిక..

ప్రతి రోజు సూర్యుడు నవ్వుతూ నీకు శుభోదయం చెప్పాలని
ప్రతి రేయి చందమామ చల్లని కబుర్లతో కలల లోకంలో నిన్ను తిప్పాలని
ప్రతి తారక నీ ఎదుగుబాటలో ఒక మెట్టుగా నిలవాలని
ప్రతి పదం నీ కవితా వెల్లువలో ఓ మణిపూసగా జతవడి మిగిలిపోవాలని
నా ప్రతి సంతోషంలో నీ సంతోషం దాగి ఉండాలని
నా ప్రతి చిరునవ్వుకి అందం నువ్వే కావాలని
నా జీవిత పయనంలో ఏనాడు విడిపోని నేస్తంలా
ఒక మనసున్న బాటసారిలా నాతో కలిసి పయనించాలని నా ఆశ.. నా కోరిక !

మరుపురాని మరువలేని.. మదుర ఘట్టం కావాలి మన స్నేహం
మనిద్దరి జతలో గడిచిన ప్రతిక్షణం ఓ ప్రబంధం అవ్వాలి అని కోరికతో

సారిక !